Khang pyrshah ban iakhalai hapoh u pud u ang ka shnong Laskein

Syllad | The Rising MeghalayaAugust 22, 2022

Ka Village Defence Party ka Dorbar Shnong Laskein kala mana pyrshah ia kino kino ban iakhalai hapoh u pud u ang jong ka shnong Laskein.

Katkum ka jingmaham kaba la pynmih ka VDP Laskein, kala buh iaki jingmaham naka bynta ki nongshong shnong bad ia kiba na bar shnong ruh ba nalor ka kam iakhalai la mana pyrshah ba kim bit ban kren sih kren sang ne iashoh iadat ne ia khajia hapoh ka shnong ka thaw.

La mana pyrshah ba ym bit ia kino kino ban tuh ne iakhalai daka pisa hapoh u pud u sam ka shnong, ymbit ban syaid ding harud ki surok ne lynti shnong.

La khang pyrshah ban ban pynpait bilor ha surok, sha lum sha wah bad sha lyngkha, ymbit ban thiah sha ki surok khamtam haki por buaid kyiad, ym bit ban buh ne set iaki kali haki surok khamtam haki jaka ba khim ba pynthud ia ka iaid ka ieng kiwei pat ki kali.

Ym bit ban shangmakia sha ki surok shnong palat iaka 10 baje mynmiet khlem da don ki daw ba biang, ymbit ban leit khyndew kulmar, ymbit ban bret plastic, dieng, siej, ki kot kot bad ki jakhlia sha surok.

Ka VDP ka la maham ruh ban pynshitom dakaba tyngeh iakino kino kiba pynkhein iaki ain shnong.