Khang pyrshah ba thang phlang, dieng bad kiwei ha East Khasi Hills

Syllad | The Rising MeghalayaFebruary 13, 2024

Ka District Magistrate, East Khasi Hills District ka la pynjari da ka kyndon aiñ Section 144 CrPC ban khang pyrshah iaka jingthang pathar iaki phlang, ki dieng ki siej kumjuh ruh iaki ñiut ki ñier kiba pyut bym pyut bad kiwei kiwei ha ki jaka paidbah bad ki riew shimet. La khang ruh ban thang khlaw, ki park, ki kper, ki  jaka ba lah shu ieh shrah hapoh ka district.

Ia kane ka hukum la pynmih hadien ka jingjia pluh ding ha nongbah Shillong bad kiwei ki jaka hapoh East Khasi Hills District.

Ka District Magistrate kala khmih thuh ba kum kine ki jingjia pluh ding ka lah ban jia ha kiba bun ki jaka ha iki ïing briew ne ki ophis kumjuh ki ophis kiba pyndonkam paidbah, ki shlem ai jinghikai, ki dukan dukdoh bad kiwei kiwei.

Ka hukum ka ong ba kum kine ki jingjia pluh ding kiba buh jingma kaba khraw ïa ka jingim briew, ki jingdon jingem bad ruh ka pynjulor ïa ka sawdong sawkun ka mariang.

Ka jingjia jingpluh ding kan wanrah ruh iaka jingduh ei iaki jingim briew, ka ioh ka kot bad ki jingmyntoi jong u paidbah salonsar.