Khang ka DS Lumsooiung Newhil ban wah khlem jingbit ia kino kino ki jingpynbna

Syllad | The Rising MeghalayaDecember 14, 2024

Ka Dorbar Shnong Lumsooiung Nehill Jowai, West Jaintia Hills District ka la pynmih ia ka hukum ban khang pyrshah halor ka jingwah ne tah pathar ia ki jingpynbna paidbah ne advertisement (board/placards/posters) ha ki jaka kiba hap hapoh u pud u sam jong ka khlem da ioh ia ka jingbit na ki bor shnong.

Kane ka jingmaham ka la wan long ruh hadien ba ka Dorbar Shnong ka la pynpaw ka jingsngewkhia ha kaba iadei bad ka jingwah ne tah pathar ia ki jingpynbna paidbah kum ki board, placard, poster bad kiwei pat ha kylleng ki jaka kiba hap hapoh u pud u sam jong ka Dorbar Shnong Lumsooiung Newhill Jowai.

Haba pyntip lyngba ka lad pathai khubor, u Rangbah Shnong ka Loomsooiung Newhill, u Bah Evermore Suchiang u la ong, “Ka Dorbar Shnong ka la rai ba kino kino ki jaka treikam, ki jaka pule bad kiwei pat kim lah satia ban wah ne tah ia kino kino ki jingpynbna bad kiwei pat hapoh u pud u sam jong ka shnong khlem da ioh ia ka jingbit na ka Dorbar Shnong.”