Khang iaki iew shisien shi taiew, pyntreikam biang iaka Odd-Even iaki kali kamai ha West Jaintia Hills

Syllad | The Rising MeghalayaMay 12, 2021

Ban tem iaka jingpur ka khlam COVID-19 u District Magistrate, West Jaintia Hills haka sngi Balang ula pynmih iaka hukum kyndon pynjari (containment measures) ha Mihmyntdu bad Jowai bad la khang ruh iaki iew ba shisien taiew ha baroh kawei ka district.

Kane ka hukum kan treikam naduh 5 Am 13 tarik Jymmang haduh 5 Am 22 tarik Jymmang.

Hynrei iaka iew ki nongrep ne ka iew dielang kaba la tip kum ka Lay Bye Market haka shnong Ialong la plie bad ki kali kiba kit mar nongrep kim bit satia ban rung sha sor Jowai.

Ha Jowai bad Mihmyntdu kala don ka jingpyrkhing bad la ailad ban plie tang iaki dukan marbam bad ki donkam kiba donkam u paidbah kiba hap haka Essential Shops haka sngi Nyngkong, Balang bad sngi Thohdieng naduh 9 Am haduh 4 Pm.

La bthah iaki nongialam shnong ba kin pyniaid da ki odd bad even number bad ban pyntreikam iaka social distancing ne ka jingia ieng jngai uwei na uwei pat.

Ki dukan hardware kin plie haka sngi ba Ar, Palei haka por 9 am haduh 4 PM.

Ki kali kamai kin iaid biang da ka odd/even number bad ka rukom shong kali kalong 1/4.

Haka sngi Nyngkong: Ki kali kiba don ia u registration number ML 04, 04A/B/C & D bad u number uba kut dei u 0 bad 1

Haka sngi ba Ar: ML 04, 04A/B/C & D bad u number uba kut dei 2 bad 3

Haka sngi Balang: ML 04, 04A/B/C & D bad u number ba kut u dei 4 bad 5

Haka sngi Palei: ML 04, 04A/B/C & D bad u number u ba kut dei u 6 bad 7

Haka sngi Thohdieng: ML 04, 04A/B/C & D bad u number ba kut dei 8 bad 9

Haka sngi Saitjain tang ki kali kiba don u registration number ML05, 06, 07, 08, 09, 10, 11, 12, 13 bad 14 bad ki ba don ia ki series A,B,C,D, E bad kiwei.