Kem ki Pulit WJH lai ngut ki player football na dewbah Africa

Syllad | The Rising MeghalayaJuly 3, 2022

Ki Pulit jong ka West Jaintia Hills haka sngi Saitjain kila pakhang lynti ia kawei ka kali Toyota Innova kaba don u register number ML 05 T 3049 ha surok bah National Highway 06 bad kila lap ki 6 ngut ki nong Africa.

Kine ki nong Africa kidei ki player football bad ki thmu ban leit sha East Jaintia Hills ban iashimbynta haka jingialehkai football ha Mosiang Lamare.

Ki Pulit kila iathuh ba na kine ki 6 ngut ki nong Africa lai ngut ki don ia ki kot ki sla ba biang bad la pyllait noh iaki hadien ka jingtohkit. Kine ki kynthup ia u Enock Kwabena-29 snem na Ghana, Olaleye Joseph Mayowa-26 snem na Nigeria bad u Moses Zutah-24 snem na Ghana.

Katba lai ngut kiwei pat kim don ki kot ki sla kiba biang ban iaid ban ieng hapoh ka ri bad ki pulit kila kem noh iaki bad la register case pyrshah iaki katkum ki kyndon jong jong ka aiñ.

Kine kiba shah kem ki dei u Guilavogui Victor-25 snem na Guinea, Kehinde Edris Olayimka-26 snem na Libera bad u Vidal Luis Chissano-25 snem na Mozambique.