Kem ka CBI ia u Professor ka NEHU ba shah thong pisa ha u trai kompeni

Syllad | The Rising MeghalayaJune 12, 2025

Ka Central Bureau of Investigation (CBI) ka la kem ia ki ar ngut kiba shah kynnoh bamsap, kynthup ia u Professor ka Zoology bad Dean jong ka School of Life Sciences hapoh North Eastern Hill University, Shillong halor ka jingkynnoh donkti ha kaba shim ia ka pisa T.3.43 lak ba la thong da u trai jong kawei ka kompeni kaba dei na Guwahati, Assam.

Kine ki arngut ki la shah kem markhmat napoh Guwahati University Guest House, Guwahati hadien ka jingpynap shrip da ka CBI ha ka sngi ba Ar ba la lah ha ka por ba une u trai jong ka kompeni u dang aiti ia ka pisa sha une u Professor.

Ka CBI ka la register ia ka case ha ka 11 tarik Jylliew 2025, pyrshah ia kine kiba shah kynnoh donkti hadien ka jingioh jingtip kaba thikna ba u trai ka kompeni bad u Professor ka Zoology bad Dean ha NEHU nalor kiwei pat ki donkti ha ki kam bamsap.

Une u Professor la kynnoh ba u la pdiang ia kane ka pisa na ka bynta ban pynioh ia ki kam supply ia ki tiar ba iadei bad ka saian, ki tiar laboratory bad kiwei pat sha une u trai kompeni bad ban pyllait kham kloi ia ki bill jong u.

Ia kine ki arngut yn rah tian bishar ia ki hapoh ka Iingkashari ha Guwahati mynta ka sngi 12.06.2025.

Ka CBI ka la pynlong ruh ia ka jingkhynra ha ki artylli ki jaka kaba lam sha ka jingioh kurup noh ia ki kot ki sla ba donkam. Mynta ki la pynlong ruh ka jingkhynra sa ha kawei pat ka jaka, bad ka jingtohkit halor kane ka dang bteng.