Kem ding ka bos night super, pur ki thylliej ding sha ka ïing briew ha Ratacherra

Syllad | The Rising MeghalayaSeptember 28, 2019

KHLIEHRIAT: Kawei ka bos night super kaba don register number AS 24 C 2977 kaba wan na Silchar kala kem ding bad ka thylliej ding kaba la klan jur kala pur ruh sha kawei ka trok kit dewiong bad ka ïing briew haka shnong Ratacherra, East Jaiñtia Hills District.

Kane ka jingjia kala jia haka por 8:30 PM mynta ka sngi Saitjaiñ bad kam don kano kano ka jingjia ba sngewsih ïaki nongshong kali bad katei ka longïing.

Kane bos night super kyndit kynsan kala sniew ha surok bad kala kem. Ka ding kaba la klan jur kala bam duh ïa katei ka bos.

Katei ka iing kaba shah ktah ha kane ka jingkem ding ka bos kadei jong u Worly Pohïing.