Ka Ummulong CC ka lahduh ha ka District Cricket League ka WJHDCA

Syllad | The Rising MeghalayaMay 28, 2025

Ka Ummulong Cricket Club kala ioh rah ia ka nam lahduh haka District Cricket League 2025 kaba pyniaid da ka West Jaintia Hills District Cricket Association (WJHDCA) hadien ba ka la pynliem ia ka Mowkaiaw CYC da 4 wicket ha ka final kaba la long ha madan Khliehtyrshi haka 28 tarik Jymmang.

Kane kan long ka sien kaba ar ba ka Ummulong kan ioh rah ia ka nam lahduh jong ka District Cricket League.

Ka Mowkaiaw CYC kaba tied nyngkong hadien ba kaba liem iaka toss, ka lah ban kamai tang 102 runs ha ki 20 over bad liem 9 wicket. U Kishan Lyngdoh ula kamai 61 run na 50 bol, kynthup 5x 6s bad 4x4s.

Nakaliang ka Ummulong CC, u Heimonlang Lyngdoh ula ioh ban khur 3 wicket na ki over bad ai tang 5 run.

Haba poi ka pali jong ka Ummulong CC ka la lah ban pynkut iaka jingialehkai da kaba kamai 105/6 run na ki 18.3 over. U Sylvester Mylliempdah u la synñiang 37 run (not out) na 52 bol bad u Chongtre I Man Lamare 28 run na 17 bol, kynthup 3x6s bad 1x4s.

Katba ki nongkawang ball ka Mowkaiaw CYC, u Kitboklang Lyngdoh u la ioh 3 wicket bad u Kishan Lyngdoh 2 wicket na ki 4 over

Ia ka nam Player of the Match la ioh rah da u Heimonlang Lyngdoh, Best Batsman u Devention Lyngdoh ka West Jaintia Police CC uba la kamai 235 runs na 6 innings, ula ioh khur ruh iaka khusnam Player of the League.

Ka nam Best Bowler la ioh da u Heimonlang Lyngdoh uba la ioh 19 wicket na 7 innings bad Player of the League ruh la ioh rah da u Devention Lyngdoh.

U Ma Eddystone Shylla, President WJHDCA kum u kongsan ula la sam ia ka khusnam sha ka nongjop. La iadonlang ruh u Ma Arwotki Sumer bad u Ma Isaia Muksor, Vice-Presidents ka Association, u Ma Waiborlang Sohlang, General Secretary, bad kiwei ki dkhot ka WJHDCA.