Ka Sutnga SSCC ka lahduh jong ka Super League ka EJHDFA

Syllad | The Rising MeghalayaNovember 13, 2019

KHLIEHRIAT: Ka Sutnga SSCC kala ïoh ban rah ïa ka nam lahduh hadien bala pynliem da ka Tie Breaker da 5-4 ïaka Khliehriat West FC haka jingïakhun final jong ka Super League kaba la tip kum ka ‘Shri Kyrmen Shylla Contribution Trophy’ kaba pynïaid da ka East Jaiñtia Hills District Football Association (EJHDFA) ha madan Dienchynrum haka sngi Balang.

Ka jingiakhun hapdeng kine ki arliang mamla kala wai da kaba ïakhaid haka por kaba la buh. La hap ban rah ïaka jingiakhun sha ka extra time, hynre hangne ruh ym shym la lah ban pynïakhlad ia kine ki kynhun arliang mamla.

Dei haba la rah ïaka jingiakhun sha ka jingshut Tie Breaker, ka Sutnga SSCC kala jop salit da 5-4 pyrshah ïaka Khliehriat West. Da kane ka namjop ka Sutnga SSCC kala rung sha ka Meghalaya State League kaban sdang naduh ka 27 Naiwieng haduh 21 Nohprah.

U Deputy Commissioner East Jaiñtia Hills U Bah FM Dopth uba long kum u kongsan ula sam ïaki khusnam haka jingïadonlang u Additional Deputy Commissioner East Jaiñtia Hills u Bah SS Syiemlieh, u District Sport Officer, East Jaiñtia Hills u Ma Khroobok Passah, Vice President WJDSA u Patrick Lamare, U Francis Swer uwei na ki riew rangbah uba la kular ban ai jaka ïaka EJHDFA ban tei ïaka madan ïalehkai.

Ka khusnam Player of the day award la ïoh khur da u Amul Chyrmang jong ak Sutnga SSCC,

Emerging Player Award la ioh rah da u Luckystar Muksor, unongïalehkai khmat jong ka Khliehriat West FC. Iaka best Discipline team la ioh daka Rymbai Wahshnong SC.