Syllad

Syllad

The Rising Meghalaya

  • Home
  • Meghalaya
  • North East
  • National
  • Global
  • Sports
  • Covid_19
  • Opinion
  • Advertisement
  • Contact
  • About
  • Ka roi ka par kam long pura khlem ki nongseng kam ba rit ba ria: CM haka Youth Mela ha Shillong

    Syllad | The Rising MeghalayaAugust 26, 2025

    WhatsApp
    Share
    Share
    Tweet
    Pin

    U Myntri Rangbah ka jylla u Conrad K Sangma ha ka 25 tarik Nailar u la plie ia ka Youth Mela ba la khot pynlong da ka Chief Minister’s Youth Centre ha All Saints’ Hall, Shillong, ha ka jingiadon lang ka Myntri ka Tnad ka rep ka riang ka Dr Ampareen Lyngdoh.

    Haba ai jingkren ha ka jingialang u Myntri Rangbah u la ong ba ka sorkar ka ngeit skhem ba yn ym lah ban thew ia ka roi ka par da ki nombor ne da ka jingdon tang ia ki jingtei kiba heh, “Ki kam pynroi ki dei ki bynta ia kiba hap ban peit na kiba bun ki liang bad haba ka GDP bad ka GSPD ki long kiba kongsan, hynrei kan ym long kaba pura lada ngim lah ban pyniasoh ia ki nongrep, ki nongseng kam sengjam ha ki thain nongkyndong, ki longkmie, ki samla bad ban pyniasoh ia ki bynta bapher bapher kiba iadei bad ka imlang sahlang kum ka koit ka khiah, ka pule puthi, ki kam jngohkai ha ki thain nongkyndong, ka rep ka riang bad kiwei kiwei.”

    U la ong ruh ba ka sorkar ka don ia ki prokram kiba iadei bad ka sengkam sengjam ha ki kyrdan bapher bapher ban pynthikna ba ka jingsengkam kan ym dei tang ha ki kam karkhana kiba heh ne ki kam khaii kiba heh bad ba yn klet noh ia ki jngsengkam kiba rit ba ria (nano entrepreneurs). “Kane ka prokram bad iwei pa iwei na phi phi long ka bynta jong ha ka khana jong ka roi ka par jong ka jylla Meghalaya bad ki jingtreikam jong phi la kilong kiba rit katno katno ruh hynrei kam don ka jingiapher,” u la ong

    U la pynpaw ruh ia ka jingkyrmen ba lyngba ki 64 tylli ki Chief Minister’s Youth Centre kiba don ha kylleng ka jylla ki nongseng kam kiba rit kin ioh ia ki jingbtin lynti bad ki jinghikai ban nangkiew ha ki kyrdan ba kham shalor ha ka jingiaid lynti ha ka ki kam khaii pateng ki jong ki.

    Ki CMYC ki dei ka jaka aijinghikai kiba don ha kylleng ki thain nongkyndong ka jylla Meghalaya ka ban plie lad ia ki samla ban don ia ka rynsan ban pynroi ia ki sap ki phong kiba thymmai, ka jingpynbeit ia ki jingeh bad pynwandur ia ki sap ki phong. Kine ki dei ki jaka aijinghikai ki bym donkam jinglut kiba don ha ki thain nongkyndong bad kiba biang ia ki tiar ki tar, ki jingleh ia ki kam bapher bapher bad ki jinghikai kiba don ka jingiadei kaba jan bad ka imlang sahlang.

    Ka sorkar Meghalaya lyngba ka jingkyrshan jong ka Sauramandala Foundation ka don ia ka jingthmu ban thaw 64 tylli ki jaka aijinghikai ha ki thain nongkyndong kiba don ha kylleng ka jylla Meghalaya hapoh ka lama jong ka Chief Minister’s Youth Centers.

    Ka Sauramandala Foundation ka dei ka kynhun treimon sngewbha ba la seng ha u snem 2018 da ka jingthmu ban shimkhia halor ki jingeh kiba ki nongshong shnong kiba shong ba sah ha ki thain nongkyndong kiba pajih ki iakynduh khnang ban lah ban wanrah ia ka jingkylla lyngba ka jingiatreilang ban kyntiew ia ka ioh ka kot ha ka imlang ka sahlang.

    Kane ka Youth Mela ba saw sngi kaba la sdang ha 25 tarik bad kut ha ka 28 tarik Nailar kan kynthup ia ka jingiatai, workshop, jingpyninam ia ki projek, library corner bad ki jingialehkai na ka bynta ki khynnah rit.

    Ha kane ka jingialang u Myntri Rangbah ula plie ruh ia ka CMYC++ bad ula sam ruh ia ki Nano Grant Awards sha ki Top 50 Nano Entrepreneurs ne ki nongseng ia ki kam barit.

    Google News Button syllad

    Continue Reading

    Syllad | The Rising Meghalaya

    Syllad is a fully digital news portal from Meghalaya. With tagline “Syllad-The Rising Meghalaya” Syllad brings voices of Meghalaya to the rest of the world.

    Leave a Reply Cancel reply

    Your email address will not be published. Required fields are marked *

    STAY CONNECTED

         Facebook

       Instagram

       Youtube

       Twitter

    SITE LINKS

    • About
    • Advertise with us
    • Hiring Freelance Writers
    • Contact us
    • Privacy Policy
    • Grievance Redressal
    • Refund policy
    • Terms and Conditions
    • Advertisement

    © 2019 Syllad

    Powered By AbodeOrigin | Marketing Wire
    Empanelled With Directorate of Information & Public Relations
    Government of Meghalaya