Ka QC Springside ka lahduh haka iakop tan tyllai

Syllad | The Rising MeghalayaMarch 15, 2023

Ka QC Springside Higher Secondary School ka la long ka lahduh haka jingïakop ïalehkai tan tyllai ne Tug of War hadien ba ka la pynliem ïaka HK. Singh Memorial Higher Secondary School haka sngi Balang.

Ïa kane ka jingïakop ïalehkai tan tyllai la pynlong da ka ophis u District Sports Officer (DSO), West Jaintia Hills ha madan Kiang Nangbah Stadium kum shibynta ka jingrake ïaka sngi kyrpang ki kynthei kaba tip kum ka “International Women’s Day 2023”.

Ki skul kiba la wan shim bynta haka jingïakop ki long ka RC EVE Secondary School, Upper Primary bad Lower Primary, Mihmyntdu, ka QC Spring Side Higher Secondary School bad ka HK Singh Memorial School.

Katba ki kynhun bad ki club kiba ïa shimbynta ki kynthup ka Catholic Youth Sports Club Mihmyntdu, Women’s Dongmihsngi Sports Club, 7 Wasa United bad ka West Jaintia Judo Association.

Kiba la poi sha ka jingïakhun phainal ki long ka QC Springside Higher Secondary School bad ka HK Singh Memorial Higher School.

U District Sports Officer u Khroobok Passah kum u kongsan ula sam khusnam da song pisa kaba 10,000 tyngka sha ka lahduh bad 5000 tyngka sha ka skul kaba wan ba ar.