Ka NPP ka la pynkhreh shaid shaid na ka bynta ka ilekshon GHADC: Rakkam

Syllad | The Rising MeghalayaJune 6, 2025

U Nongialam ka NPP uba dei ruh u Myntri Sorkar, u Rakkam A Sangma ha ka 5 tarik Jylliew u la ong ba ka party kala pynkhreh shaid shaid na ka bynta ka ilekshon MDC sha ka iingdorbar ka Garo Hills Autonomous District Council (GHADC).

“Hapoh ka jingialam u Myntri Rangbah jong ngi, ka party ka la long kaba la pynkhreh ban ia mih ia aireng ha kane ka ilekshon MDC sha GHADC ka ban wan,” ong u Rakkam haba kren sha ki lad pathai khubor.

U la ong ruh, “Ngi tip bha ha kaba iadei bad ka madan ialehkai sain hima hapoh ka jylla. Ngin buh ia ki rangialehkai katkum ka jinglong jong ka madan ialehkai.”

Haba pdiang sngewbha ia ka liang pyrshah Voice of the People Party (VPP) kaba la shim ia ka rai ban pynieng kyrtong ha ka ilekshon MDC sha ka GHADC, une u nongialam ka NPP u la ong lada ki kwah ba ka party kan long jong ka jylla baroh kawei, ki dei ban poi lut sha ki jaka ba kyndong kynshrot jong ka jylla.