Ka Nongkhroh Rim ka lahduh ka Thadlaskein Football League

Syllad | The Rising MeghalayaMarch 31, 2025

Ka Nongkhroh Rim kala ioh ban rah iaka nam lahduh ka lympung ialehkai Thadlaskein Football League ka Thadlaskein Sports Association (TSA) hadien kala pynliem iaka Niriang FC da 1-0 ha ka jingiakhun final kaba long ha Wahiajer Multi Sports Complex haka 29 tarik Lber.

Ia kane ka shikol ka Niriang la thep da Helpmi Mukhim (28) bad kala neh haduh ba kut ka jingialehkai.

Ia ka nam lahduh ba lai ne Third Place la jop da ka Nongkhroh Krem Kum hadien ba kala pynrem iaka Heiboriongi FC da 5-0.

Da kane ka namjop ka Nongkhroh Rim kaba la ioh rah iaka song pisa kaba 1 lak tyngka bad trophy, ka Niriang SC kala ioh 50 hajar, bad ka Nongkhroh Krem Kum kala ioh 25 hajar.

Iaka khusnam Best Goalkeeper la iohrah da u Wanshan Kharsohnoh, Man of the match Helpmi Mukhim, Top Scorer Rahbok Synnah bad baroh lai ngut rang ialehkai ka Nongkhroh Rim.

Iaka khusnam sha ka kynhun lahduh la synniang da u Dy. CM Ma Sniawbhalang Dhar, ka khusnam sha ka kynhun kaba wan ba ar la synniang da u Ma Wailadmiki Shylla MLA Jowai bad u Ma Kmenlang Shylla ula synniang sha ka nongjop haka kyrdan 3rd Place.

Ia kane ka lympung ialehkai la wan ban pynhap pyrda iaka da u Wailadmiki Shylla MLA Jowai haka jingdonlang u MDC ka Wahiajer Ma Reformingson Lamare, u MDC ka Moodymmai Ma Jesse Suiam, u DSO West Jaintia Hills District Ma Khroobok Passah, u Principal ka North Liberty HSS Ma Richard B Uriah nalor kiwei kiwei haka jingiadonlang ki nongialam bad nongkitkam ka TSA.