Ka Nguh Blei Dem Blei ïa ki trai Ri Trai Muluk ha Bañiun

Syllad | The Rising MeghalayaMarch 30, 2021

Ka Sengbah Ki Nongshat Nongkheiñ, Hynñiew Skum Hynñiew Trep, lyngba une kyrwoh ka pyntip “Ka Nguh Blei Dem Blei ïa ki trai Ri Trai Muluk” kaba long shisien man la ka snem ha Bañiun, Mylliem Syiemship, Upper Shillong kan long ha ka 03 Tarik U Ïaiong 2021. 

Na ka daw jong ka jinglong jingman bad ka jingïaid ka por ne ka jingeh jong u COVID-19 ki bor pynïaid District ki la ban bud pyrkhing ïa ki kyndon SOP COVID-19 lyngba ka shithih No .C&S.21/COVID-PER/2020/Vol.13/379 Dated 15^th March, 2021 na ka ophis Deputy Commissioner, East Khasi Hills District, kumta la kyrpad ïa baroh ki para kur para kha ba kin ym sngew eiei ba ha kane ka kynti ruh ngin ym lah ban ïawer paidbah ha katei ka sngi 03 Tarik U Iaiong 2021.

Ka jingïashim bynta ha kane ka sngi kan long tang da kaba yn pyndep ïa ka Niam ka Rukom da ki Riewtymmen Ka Sengbah bad ki President/Secretary na ki Tnat Seng Khasi, ki Seiñ Raij bad Seiñ Kyntu-12 Daloi.