Ka Mynsngat ka lahduh haka ‘1st Open To All U Mar Phalangki Football Tournament’ ka FKJGP, rah iaka song pisa 2 lakh

Syllad | The Rising MeghalayaFebruary 11, 2022

Ka Mynsngat Sports Club ka la long ka lahduh hadien ba ka la pynliem ïaka Nick Football Club da 1-0 haka jingiakhun football final “1st Open To All U Mar Phalangki Football Tournament” kaba la pynïaid da ka FKJGP Nartiang Area Unit haka sngi Palei.

U Myntri ka tnad kam pynroi sor ka sorkar Jylla uba long ruh u MLA ka Nartiang Ma Sniawbhalang Dhar ula wan ban pynhap pyrda noh ïaka lympung.

Ka lahduh ha kane ka lympung ka la ïoh khur ïaka song pisa kaba tang Ar lak tyngka ryngkat ka trophy bad ka lahduh ba ar ka la ïoh rah ïaka song pisa kaba tang shi lak tyngka ryngkat ka trophy.

Ïaka khusnam ‘Man of the Match’ la ïoh rah da u Stephanson Pale na ka Nick FC, ïaka khusnam ‘Best Goalkeeper’ la ïoh rah da u Rajat Paul Lyngdoh na ka Mynsngat SC.

Ïaki khusnam la sam da u Eveningson Teron MDC Nongjngi, u Kitboklang Nongphlang Chief Organising Secretary FKJGP Central body u DS War Chief organizing Secretary FKJGP Jaintia bad kiwei kiwei.