Ka Mulait bad ka Jalaphet Bri Sumer haka kyrdan kaba khlieh ka Super Div ka Saipung Block SA

Syllad | The Rising MeghalayaNovember 14, 2023

Ka Mulait United FC bad ka Jalaphet Bri Sumer FC kila wan haka kyrdan kaba hakhliehduh haka miej iakhein poin ha kane ka aiom ialehkai haka Super Division Football League ba la pyniaid da ka Saipung Block Sports Association (SBSA).

Kane kala wan hadien ka jingiakhun kaba long haka 13 tarik Naiwieng naki mar san sien iakhun ha kaba ka Mulait United kala tam da ka jingiapher kol bad kamai 13 point bud sa ka Jalaphet Bri Sumer 13 point bad ka Lamyrsiang SC ka la wan haka kyrdan kaba ar da kaba kamai 10 poin.

Ka Shnongrim SC ka la lah ban kamai 9 point, Tluh SC bad ka Narwan SC kila kamai mar 7 point, Lakasein SC ka kamai 6 point bad ka Latyrke 5 point. Katba ka Jarain bad ka Mynthning SC kim pat lah ban kamai eiei hadien ba kila bteng ban khur iaka namrem.

Haba phai sha ka jingialehkai haka 13 tarik, Lamyrsiang Scc kala jop da 5-1 iaka Narwan Sc. Ka Tluh kala pynliem da 5-0 iaka Mynthning.

Haka 15 tarik ka jingialehkai kan long hapdeng ka Jarain pyrshah iaka Latyrke bad ka Jalaphet Bri Sumer pyrshah iaka Shnongrim.