Ka Mochut Pyrdung vrs Tluh, Latyrke vrs United Biate kin aireng lashai ka sngi haka super div. ka Saipung Block SA

Syllad | The Rising MeghalayaSeptember 7, 2022

Lashai ka sngi ka Mochut Pyrdung pyrshah iaka Tluh Sc, Latyrke pyrshah iaka United Biate kin aireng pyrshah kawei ia kawei haka super division football tournament kaba pyniaid da ka Saipung Block Sports Association ha madan ialehkai ka shnong Lamyrsiang, East Jaintia Hills District.

Kane ka lympung Super Division ka Saipung Block SA kala sdang naduh ka 3 tarik une u bnai bad la plie paidbah iaka da u MP ka Shillong u ma VH Pala kum u kongsan haka jingiadonlang u ma Richard Sing Lyngdoh MDC JHADC kum u symbud kongsan, ki nongialam bad ki dkhot ka Saipung Block SA bad kiwei kiwei.

Kane ka lympung kala sdang da namjop ka Lamyrsiang pyrshah iaka Latyrke da 2-1.

Haba phai sha ka jingiakhun kaba long haka sngi Balang, ka Mulait United FC pyrshah ïaka Jalaphet Bri Sumer ka jingïakhun ka la kut da ka jingiakhait kaba mar 2-2.

Ïaki kol jong ka Mulait United FC la thep da u Bing Chyrmang haka minit kaba 3 bad u Raplang Suchen haka minit kaba 45.

Katba ïaki kol jong ka Jalaphet Bri Sumer la thep da u Stephan Suchen haka minit kaba 40 bad Stephan Lalthangliana haka minit kaba 84.