Ka lympung ba 24 ka Seiñ Kyntu Seiñ Raij 12 Daloi ha shnong Rangad, East Jaintia Hills

Syllad | The Rising MeghalayaJanuary 19, 2021

Ka Seiñ Kyntu Seiñ Raij – 12 Daloi kumba ka ju long khlieh la ka snem, mynta u snem ruh ha ryngkat bad ka jingiatrei lang bad ka Seiñraij Rangad kan pynlong iaka lympung ba 24 haka 30th, 31st tarik January (Kyllalyngkot) 2021 haka shnong Rangad, East Jaintia Elaka Rymbai.

U S Sari, Publicity Secretary Seiñ Kyntu Seiñ Raij 12 – Daloi ula pyntip ba ka Seiñ Kyntu Seiñ Raij 12 – Daloi ka khot wer sngewbha iaki khun U 7-Trp, 7-Skum baroh ban ia pyllait por khnang ban iawan sha katei ka lympung.

Ha kane ka lympung ym shah iaki khynnah ba 10 snem shapoh bad kumjuh ia ki rangbah briew kiba la dap ia ka 65 snem shaneng bad la kyntu ia baroh ban bud ryntih iaki kyndon bala buh ka sorkar ban iada na ka khlam COVID-19.

Ha kane ka lympung kan don ka jing Shad Tynrai (Culture) bad ki jingsneng jingkraw na ki riew rangbah ban pynneh pynsah ia ka niam ka rukom bad ka riti ka dustur.