Ka Lympung ba 23rd ka Sein Kyntu Sein Raij 12 Daloi ha Muktapur

Syllad | The Rising MeghalayaJanuary 2, 2020

JOWAI: Ka Seiñ Kyntu Seiñ Raij-12 Daloi kan pynlong ïaka Lympung ba 23 haka 25 bad 26 tarik January (Kyllalyngkot) 2020 ha ka Shnong Muktapur War Jaiñtia, Elaka Satpator.

Ïa kane ka lympung yn pynlong da ka jingiatrei lang bad ka Seiñ Raij Muktapur.

Ka Seiñ Kyntu Seiñ Raij -12 Daloi ryngkat bad ka Seiñ Raij Muktapur ki khot sngewbha ia baroh ki khun hynniewtrep hynniewskum ban ia pyllait por khnang ban iawan sha katei ka Lympung. Ha katei ka Lympung kan don ka Shad Tynre (Culture) bad ki jingsneng jingkraw na ki riew rangbah ha ka ban pynneh pynsah ia ka Niam ka Rukom bad ka Dustur ka Riti kaba ngi ioh pateng na u Blei Trai Kynrad.

Ka Seiñ Kyntu Seiñ Raij -12 Daloi lyngba u Publicity Secretary Rgh, S. Sari, ula ong ba ka Seiñ Kyntu Seiñ Raij -12 Daloi ka khot lang ia baroh bad ha ka juh ka por ruh ka wer sngewbha ia ki para riew seng baroh kiba don najan na jngai ban ia wan lem sha katei ka Lympung ban pynphuh pynphieng ia ka Lympung khnang ba ka Niam ka Rukom kan nangheh nangiar na ka pateng sha pateng.