Ka jingthaw ia ki C&RD Block ka dei ka mat kaba dang iai bteng; ong u Myntri

Syllad | The Rising MeghalayaAugust 21, 2024

U Myntri ka tnad Community & Rural Development (C&RD) u Abu Taher Mondal ha ka 20 tarik Nailar ula ong ba ka jingthaw ia ki C&RD Block ka dei ka mat kaba dang iai bteng na ka por sha ka por.

“Kam dei satia ba ngi la dep thaw ia ki katto katne tylli ki Block ha ka samoi treikam ba la dep ngin ym lah ban thaw shuh ia ki Block kiba thymmai,” ong u Mondal haba jubab halor ka jingkylli kaba iadei bad ka jingdawa ban thaw ia ka Mawsynram block.

U la ong ruh, “Ka shong ha ki jingeh kaba ki briew jong ngi ki iakynduh ban poi sha ki Administrative Unit, bad dei halor kata ka nongrim ba ngi la pynkha ia ki Block, bad ka dei ruh ka mat ka ban dang iai bteng. Hadien ba ngi la lah ban pyndep lut ia baroh ki jingdonkam ngin sa pynbna, baroh ka shong ha kano ka rukom ngi pyniaid ia kane ka kam.”

Haba kylli, na ka liang u Myntri u la ong, “Kumba ka long mynta hi ngam pat lah ban ong lano ngin ai ka jingpynbna.”

Kumba ka long mynta, ka Jylla ka don haduh 51 tylli ki C&RD Block, kata hadien ba la dep ban thaw thymmai sa 15 tylli ki Block ha kine ki 10 snem kiba la dep.