Ka jingpyni nam iaki tiar solar ha Jowai, khot wer ia baroh

Syllad | The Rising MeghalayaDecember 13, 2023

Ka Meghalaya New and Renewable Energy Development Agency, Jowai kala pyntip paidbah ba kan pynlong iaka Orientation and Awareness Programme on New and Renewable Energy ne ka bording bad ka rukom pyndonkam iaka bording kaba ioh na ka bor mariang.

Ia kane ka jingai jinghikai bad pynsngewthuh paidbah yn pynlong ha 15 tarik Nphprah 2023 ha hall jong ka Dorbar Shnong Tpep Pale, Jowai naduh ka por 11 Am haduh 4 Pm.

Kumta ka tnat Meghalaya New and Renewable Energy Development Agency ka khot ka wer sngewbha ia baroh kynthup ia ki khynnah skul, ki nongshong shnong ka rilum Jaintia ban wan sha kane ka jingialang pynsngewthuh bad hikai ban pyndonkam iaka ding kaba neh bad kaba khuid tam kaba ioh na ka mariang.

Ha kane ka sngi la pyntip ba yn pyninam ia shibun jait ki tiar ki tar kiba kynthup iaki light bad ki tiar ba lah ban pyndonkam ha iing ha sem.