Ka jingkhot sngewbha sha ka jingpynkyntang Bishop ia u Lyngdohsad bathymmai ka Jowai Diocese

Syllad | The Rising MeghalayaSeptember 13, 2023

Da ka jingkmen kaba khraw ka Jylla Niam Jowai ka khot ka wer ia baroh sha ka jingpynkyntang Bishop ia u Rev. Fr. Ferdinand Dkhar ka ban sa long ha ka 1 tarik Risaw, 2023 ha Church of the Holy Spirit Parish Ummulong, ha ka por 10:00 baje Mynstep.

U Most Rev. Victor Lyngdoh, u Archbishop jong ka Jyllaniam Bah Shillong un long u kongsan ha ka riti pynkyntang Lyngdohsad ha ka tei ka sngi, ryngkat ka jingiasynran lang ki Bishop jong ka thain shathei lam mihngi baroh.

La kha ia u Rev. Fr. Ferdinand Dkhar ha ka 26 tarik Rymphang, 1962 ha ka shnong Ïongkaluh – East Jaintia Hills. U dei u khun Phrangsngi na ki 10 ngut ki khun jong u Ma Edwin Kyndait bad ka Kong Philomina Dkhar. La Pynkyntang Lyndoh Sohblei ia u ha ka 23 tarik Kyllalyngkot, 1994.

Ka Jingpynbeit na ka bynta ka Parking ia ki kali kiba wan na ka bynta ka Mass kyntang Bishop ka long kumne:

• Ïa kiba wan na East & West Khasi Hills bad Ri Bhoi district kin hap rung na Lad-Deinthare ban rung sha shnong Moodymmai. Kin sa don ki Volunteer ban pyni lynti.

• Ïa kiba wan na ka Parish Amalarem bad ki thain War-Jaintia, kin rung beit na Lad-Demthring ban poi sha Moodymmai. Kin sa don ki volunteer ban pyni jaka parking.

• Ïa kiba wan na parish Namdong, parish Mynsngat, parish Ïongchwiat ba ki thain Nongjngi kin rung na ki lad ka shnong Wahïajer ban pyni da ki volunteer ha wahiajer.

• Ïa kiba wan na thain Jowai, East & West Jaintia Hills, kin rung na lad CHC Ummulong. Kin sa don ki volunteer hangta ruh.

• Ïa kiba don Car-pass ki dei ban tah ia ki sticker khamtan ki kali jong ki phadar bad sister. Bad la kyrpad ruh ia baroh ki kali ba wan jingiaseng ban teh da ki lama lieh khnang ban pynsuk ia ki volunteer ban pyniaid ia ki kali.