Meghalaya Games | Ka jingjied nongialehkai ka East Jaintia District Sports Assoc, yn jied 3 ngut kawei ka Club haka football
Ka East Jaintia District Sports Association (EJDSA) kala pynbna ba kan pynlong iaka jingjied nongialehkai na ka bynta ban mihkhmat iaka district sha ka Meghalaya Games 2022.
Kumta ban ioh iaka kynhun kaba biang pura haka jingialehkai ba har rukom kan pynlong iaka jingjied nongialehkai kynthup iaki kynthei bad shynrang haka athletic naduh U-16, U-18, U-23 bad Above -23 bad ka football na ka bynta ki shynrang hapoh 21 snem ka rta.
Kane ka jingjied nongialehkai kanlong haka 11 tarik une u bnai ha Madan Dkhiah West Sports Club kaba don sha pohshnong.
La kyntu ia baroh ban wan ai kyrteng hapoh 8:30 Am – 10 Am bad kiba lah ban iashimbynta kin dei thik tang ki nongshong shnong ba pura jong ka East Jaintia Hills District.
Baroh ki nongialehkai kiba wan sah kane ka jingpyrshang kin hap ban wan rah ryngkat bad ki syrnod Birth Certificate ne Aadhaar.
Ha kaba iadei bad ka jingialehkai football yn pdiang tang mar lai ngut na kawei ka sports club bad kine ki nongialehkai kin hap ban wanrah iaka jingthoh ba pynshisha iaka klob kaba ki ju mihkhmat.
Katba iaka football kynthei ka synjuk kala dep jied lypa ia ki nongialehkai kiba la mlien ban iashimbynta ha ki jingialehkai hapoh ka district.
Facebook
Instagram
Youtube
Twitter
Leave a Reply