Ka jingdonkam ban tip ban pynher iaka lama jong ka Ri

Syllad | The Rising MeghalayaFebruary 12, 2024

Ka Lama ka ri India ka dei kaba pyni ïa ka dak jong ka jingkyrmen bad ka jingangnud jong ki paid nongshong shnong jong ka ri India. Ka dei ka dak jong ka jingsarong ia baroh u nongshong shnong ban pyni iaka jingieid bad burom iaka lama ka Ri. Ka Lama ka ri ka don iaka jaka kaba kyrpang haka jingsngew bad pyrkhat jong u wei pa uwei nongshong shnong ka ri India

Ki don katto katne ki kyndon ba pyrkhing jong Flag Code of India, 2002 kaba la pyllait da ka Ministry of Home Affairs (Public Section), ka sorkar India, ban sam jingtip sha ki paidbah bad pynthikna halor ka jjngbud pyrkhing ïa ki kyndon jong ka Flag Code of India.

Ka jingpynher/pyndonkam/ bad rah īa ka lama ka ri ki dei kiba hap hapoh ka Prevention of Insults to National Honour Act, 1971 bad ka Flag Code of India, 2002.

Ïa ka Flag Code of India 2002 la pynkylla katkum ka hukum dated 30 tarik u Nohprah, 2021.

Ka hukum ka shah ban shna da ki jain polyester bad ki machine. Mynta ïa ki lama la lah ban suh da ka jingthaiñ kti lane da ki kor ne ki machine, kumjuh ruh la lah ban suh da ki jaiñ cotton/ ki plastik/ki saiwul/ki ksai rusom/ khadi.

Ki dkhot jong ki jaka treikam sorkar ne jaka treikam ki briew shimet ne wat ki jaka ai jjnghikai ki lah ban pynher/ pyndonkam ïa ka Lama ka ri ha baroh ki sngi bad ki sngi kyrpang jong ka Ri da ka jingburom iaka lama ka Ri.

Ka Flag Code of India 2002 kaba la pynkylla katkum ka hukum 20 tarik u Naitung 2022 ryngkat bad ka clause (xi) jong ka paragraph 2.2 of Part II, ka ong “Ka jingpynher ïa ka Lama ha ka jaka paidbah ne ka ïing ki nongmihkhmat lah ban pynher miet bad sngi”

Ka lama ka ri ka dei ban long rectangular ha ka jingwandur, ha kano kano ka jingheh bad jingrit hynrei jingjrong ka pynkiang ka dei ban long 3:2. Manla ka por ba pynher ïa ka lama ka dei ban ïeng ha ka jaka ba pyni ïaka jingsngew sarong bad kano kano kaba lama ba jot ym dei ban pynher.

Ïa ka lama ym dei ban pynher ha u juh u rishot (single masthead) haka juh ka por bad ki kiwei pat ki lama. Ym dei ban pynher ïa kiwei pat ki lama ban long kiba kham hajrong ne ryngkat lang bad kiwei pat ki lama.

Ïa ki lama ym dei satia ban pynher ha kano kano kali lait noh tang ki kali ki riewkhmat katkum ba la kdew ha ka Section IX of Part III of the Flag Code, kum u President, Vice-President, Myntri Rangbah duh ka ri bad Governors etc..

Ïa ki jingtip ba kham biang ba ïadei bad ka Prevention of Insults to National Honour Act, 1971 bad ka Flag Code of India, 2002 lah ban ioh na ka website jong ka tnad kam poh īing ka sorkar pdeng ha ka  www.mha.gov.in