Ka jingai tika COVID ha 6 tylli ki jaka sumar ha East Khasi Hills

Syllad | The Rising MeghalayaFebruary 12, 2024

I Dr. R Laloo, District lmmunization Officer East Khasi Hills, Shillong, ila pyntip paidbah ba ka jingai tika Corbevax Vaccine  ban iada na u khniang Covid kala sdang naduh 12 tarik Rymphang

Une u injek CORBEVAX Vaccine  yn ai na ka bynta ki khynnah kiba don hapdeng ka 12 haduh 14 snem kum ka Primary Vaccination bad Precaution dose hadien ba la dap 6 bnai ne 26 taïew naduh ka tarik ba la sdang ai yn sa bteng pat ka second dose la ka long u injek Covaxin lane Covishield vaccine na ka bynta kito kiba la dap 18 snem shaneng.

Ki jaka ban ai kine ki injek ki kynthup ha Rynjah State Dispensary, Laban State Dispensary, Umsohsun UPHC, Nongthymmai UPHC, Upper Mawprem UPHC bad Nazareth Hospital, Shillong.

Na ka jingduna ki dawai, la bthah ruh iaki Medical & Health Officer In-charge  jong ki jaka ban pyntip lypa bad pynthikna ka tarik bad ka por ban ai injek.