Ka IMA kam lah ban pynduh ia ka ain Land Transfer Act: Vincent Pala

Syllad | The Rising MeghalayaDecember 28, 2024

U nongialam Congress u Bah Vincent H Pala ha ka 27 tarik Nohprah u la ong ba ka Investment Meghalaya Agency (IMA) kam lah satia ban pynduh ne ban weng noh ia ka Ain Land Transfer Act.

“Lada kim (Sorkar) pynkylla ia ka Land Transfer Act, yn ym lah satia ban pynduh pyndam ne ban weng noh ia kane ka Ain,” ong u Bah Pala.

“Katba kim pat pynkylla ia ki kyndon Ain jong ka Land Transfer Act, ka jingpynbna kam lah satia ban pynkylla ia kane ka Act,” u la bynrap.

Lah ban kdew ba ka rai jong ka sorkar Jylla ban mynjur ia ka jingpynkylla ia ka Meghalaya State Investment Promotion Facilitation Act, kaba thmu ban shah bad ailad ia ka Investment Meghalaya Agency (IMA) ban thied jaka bad ban ai jaka sha ki nongbei tyngka ka la pynmih ia ka jingpyrshah kaba jur na kiba bun ki liang.