Ka HYC kan nym pdiang iaka lynti rel ha East Jaintia Hills katba ym pat ioh ILP

Syllad | The Rising MeghalayaJuly 7, 2023

Ka HYC East Jaintia Hills kala mih shakhmat ban pyrshah iaka lynti rel ha East Jaintia HIlls District, katba ym pat ioh iaka Inner Line Permit (ILP) haka sngi Friday.

Ka HYC kala ong ba ka ieng skhem haka nongrim bad kren shai katba ka sorkar kam pat lah ban wan rah daki ain ban teh lakam ia ka jingrung kyrthep ki poiwir kum ka ILP ne ki aiñ kaban iada iaka jaidbynriew na ka jingshah tap ha kiwei pat ki jaidbynriew kan nym pdiang iaka lynti rel.

Kane ka jingpyrshah kala mih hadien ba u Myntri Rangbah Conrad K Sangma ula pynbna ba ka sorkar Jylla kala rai ban wad bniah iaki lad ki lynti ban wanrah iaka rel ha East Jaintia Hills.

Ka HYC ka ong ba ka buh ha khmat ia ka jingiada iaka jaidbynriew bad lada wa ka lynti rel kan pynsuk ia ki poiwir ban wan buhai shnong ha kane ka Jylla. Kala ai jingmut ruh iaka sorkar India bad sorkar Meghalaya ban pynheh daka surok kata da kaba shna iaki surok ba long iaid saw tylli ki kali naduh na Ratacherra haduh Umiam ban suk ka kit ka bah bad ban leit ban wan u paidbah.

Ka HYC kala kyntu iaki MLA, ki MDC, ki Dolloi, ki Waheh chong, ki sengbhalang bad ia ki paidbah ka rilum Jaintia ban ieng tylli lang kawei ban pyrshah ia ka lynti rel bad dawa ban pyntreikam iaka ILP ban iada na ka jingwan buhai shnong kiwei ki jaidbynriew.