Ka final kan long hapdeng ki ar kynhun na Ialong haka Independence Day Cup ka WJDSA

Syllad | The Rising MeghalayaAugust 13, 2022

Ka jingiakhnieh iaka nam lahduh haka Under-17 Independence Day Cup kaba pyniaid ka WJDSA bad ka bor synshar district jong West Jaintia Hills kan long hadpeng ki ar tylli ki kynhun na ka shnong Ialong, katta ka Lutituber pyrshah iaka Sailung.

Kane kala wan hadien baka Sailung bad ka Lutituber kila lah ban pynliem ia ki ar tylli ki kynhun na Jowai ka Lumpariat bad Mookyrdup haka jingiakhun semifinal kaba long ha Kiang Nangbah Stadium haka sngi Saitjain.

Haba phai sha ka jingiakhun semifinal ba nyngkong ka Lutituber Ialong kala pynliem da 3-2 iaka Lumpariat.

Kine ki lai kol ka Lutituber la thep u Shwaki Dhar (9), Bishar Lhuid (10) bad u Ritre Lyngdoh (48). Ki ar kol ka Lumpariat ki la wan lyngba u Damehi Dkhar (5) bad u Emanbha Dkhar (42)

Haka jingiakhun semifinal kaba ar ka Sailung kala jop da 1-0 kol iaka Mookyrdup. Kane ka shikol kala mih paw haka kylla miet lyngba u Samely Mulieh (49).

Kane ka shikol kala biang pura ia ka Sailung ban khur iaka namjop bad pynkhreh ban aireng pyrshah iaka Lutituber haka 15 tarik por 1 Pm ban iaknieh iaka nam lahduh mynta ka aiom.