Ka Behdeinkhlam Seinraij Ialong haka 12 tarik Nailar

Syllad | The Rising MeghalayaAugust 9, 2024

Kumba long man la u snem, mynta ka kynti ruh ka Seinraij Ialong kala pyntip ba kan pynlong iaka jinglehniam Behdeinkhlam haka 12 tarik Nailar 2024.

U president Seinraij Ialong u Bah P Shylla bad general secretary Seinraij Ialong u Bah J Pale, kila pynpaw ba ka jinglehniam ka la sdang mynta kan kut haka 12 tarik na ka bynta ban ai nguh aidem bad ban kyrpad kyrpon ia ki blei ki syiem ban iada bad sumar suker iaka shnong ka thaw bad ban theh iaki jingkyrkhu ban roi par u khun bynriew.

Ha ka sngi nohrong ka Raij Ialong, kiba iashimbynta ki dei ka Seinraij Wahiajer Seinraij Nongkhyllep.

Kumta ka Seinraij Ialong ka khot ka wer ia baroh ki khun uka bri u Hynniewtrep ban wan sakhi iaka iaka jinglehniam haka sngi khatduh ha Tre Pyrda, Ialong khnang ba kan long kaba phuh kaba phieng bad kaba jop.