Ka Bakenang SS, Rongrong Union UP, bad ka Montfort HSS kila lahduh haka Subroto Cup na North Garo Hills

Syllad | The Rising MeghalayaJuly 7, 2023

Ka ophis jong ka District Sports Officer ka North Garo Hills District haka sngi Palei ka la lah ha kaban pynlong ia ki phainal jong ka lympung ialehkai District Level Inter School Subroto Mukherjee Cup Football Tournament 2023 ha madan jong Mini Stadium ka kaba don ha Resubelpara.

U kongsan ba la wan ban sakhi ia kine ki jingialehkai phainal dei u Tennystar R Marak (MCS) Addl Deputy Commissioner North Garo Hills bad ia ki kyntien ai khublei la ioh na kong Linza F Syiem DSO NGHD.

Ha ka jingiakhun jong ka U-14 ki khynnah shynrang ka kynhun kaba la ioh ban rah ia ka nam lahduh dei ka Montfort Hr. Sec. School hadein ba kala pynliem noh ia ka Resu Union Sec. School da 3-1.

Ia kine ki lai tylli ki kol ka Montfort Hr Sec Sch la thep ia ki da u Sengbo K Sangma ha ka minit ba 10 bad u Tapaz G Momin uba la thep artylli ki kol ba la wan ha ka minit kaba 47 bad 50, ia ka shi kol jong ka Resu Union Sec Sch la thep ia ka ha ka minit kaba 41 da u Eliakim R Marak.

Haba phai pat sha ka jingiakhun ia ka U-17 ki khynnah kynthei, ka nam lahduh mynta ka kynti la rah ia ka da ka kynhun ki thei ialehkai jong ka Rongrong Union UP School, hadien ba kala lah ba kan pynliem noh ia ka Resu Union Sec. School da 3-1.

Ia kine ki lai tylli ki kol jong ka Rongrong Union UP Sch la thep ia ki da ka Rikambe W Sangma ha ka minit kaba 15, ka kol kaba ar la thep da ka Wanmisha Marak ha ka minit ba 21 bad ka kol kaba lai la thep da ka Rikambe W Sangma ha ka minit kaba 25, katba ia ka shi kol ka Resu Union Sec Sch la thep ia ka ha ka minit kaba lyngba ka Trisha  K Marak.

Ka resol na ka jingiakhun ka U-17 ki khynnah shynrang, ka Bakenang Sec. School ka la lah ba kan pynliem noh ia ka Resubelpara Girls Hr. Sec School da 2-1.

Ia ki ar klol ka Bakenang Sec Sch la thep ia ki da u Chusrangky D. Sangma bad u Chukan  R.  Marak ha ka minit kaba 13 bad 24, katba ia ka shi kol jong ka  Resubelpara Girls Hr.Sec  School la thep ia ka da u Tubirth  Ch. Momin ha ka minit ba 17.