Ka Alumni Meet ka Khliehriat Higher Secondary School haka 26 tarik Risaw

Syllad | The Rising MeghalayaOctober 9, 2024

Ka Alumni jong ka Khliehriat Higher Secondary School (KHSS), kala pyntip ba kan pynlong iaka 2nd Alumni Meet ne ka jingialang jong ki khynnah skul barim kane ka skul haka 26 tarik Risaw 2024 haka por 1 baje nohphaisngi.

Kane ka jingialang ka long shibynta ka jingrakhe iaka Golden Jubilee jong ka Khliehriat Higher Secondary School.

Ka president jong ki khynnah pule barim, ka Kong Simi Khongtiang kala khot wer sngewbha ia baroh Alumni Khliehriat Higher Secondary School, ban wan sha kane ka jingialang khnang ba ki jingthmu kin long kiba iaid beit iaid ryntih.

Kala pynkynmaw ruh ba ka KHSS kala dep ban pynlong iaka jingialang pynsngewthuh iaki khynnah skul halor ka ain POCSO Act bad ka jingpynlong iaka Career Guidance halor ka phang ‘‘NextGent Media: Shaping Tomorrow’s Storytellers’.