Jurip u PM Modi iaki Ryndia na Meghalaya ha ka ‘G20 International Craft Bazaar

Syllad | The Rising MeghalayaSeptember 11, 2023

U Myntri Rangbahduh ka ri u Narendra Modi u la pynlong ka jingjurip ia ka stall na Meghalaya bad iamir jingmut ruh ba ka kynhun kaba la mihkhmat ia ka jylla ha ka “G20 International Craft Bazaar,” kata shibynta jong ka G20 summit kaba la kut noh dang shen ha ka Nongbah New Delhi.

Na ka liang u PM Modi u la pynpaw ruh ia ka jingioh mynsiem ha kaba iadei bad ki mar bad ki tiar tynrai kum ki jain Ryndia bad kiwei pat ki jingshna ba khlem pyndonkam ia kino kino ki kynja dawai kiba iasoh ruh ba ki thong jong ka SDG halor ki sienjam ban ialeh pyrshah ia ki jingkylla ha ka jinglong ka suinbneng ne climate change, kumjuh ha kaba iadei bad ka jingaibor ia ki kynthei bad na ka bynta ban kyntiew ia ka ioh ka kot kaba neh.

U Bah FR Kharkongor, Commissioner & Secretary Textiles & C& RD u la lamkhmat ia ka kynhun Textiles & C& RD ha ryngkat ki heh sorkar na ka tnat Textiles na ka jylla  sha katei ka G20 Exhibition.

Ka Tnat Textiles & C& RD ka sorkar jylla lyngba ka kyrteng ne ka brand jong ka tnatTextile “Ryndia” & “Tribal Weaves,” kata nalor ki jingshna bad ki jingthain kti jong ka Tnat Tourism ka Meghalayan Age la lah ban pyni paidbah ha katei ka jaka iew ha ka nongbah jong ka ri