Jurip u ma Sniawbhalang ia ka jingpyntrei ia ka surok Ummulong-Tyrshang-Bamkamar

Syllad | The Rising MeghalayaJuly 20, 2024

U Symbud Myntri Rangbah ka jylla Meghalaya, u ma Sniawbhalang Dhar, ha ka 19 tarik Naitung ula hiar ban jurip dalade ia ka jingpyntrei ia u surok na Ummulong-Tyrshang- Bamkamar kaba jngai kumba 22 kilometers.

Ha kane ka sngi, la synran lang ia u Symbud Myntri Rangbah da u SDO ka PWD Jowai Central Division ma O Thubru bad u Engineer bah Y Shangpliang, ha ryngkat ki Waheh Shnong bad ki riew rangbah jong ki shnong kiba iaid lyngba kane ka surok.

Kane ka surok ka dei kaba la sdang pyntrei naduh u snem 2022 bad kaba la buh thong ban pyndep haduh u snem 2025. Ka jinglut ban shna ia kane ka surok kala kynjoh T42 klur tam tyngka.

U Ma Sniawbhalang ula ong ba ka jingpyntrei ia kane ka surok kala iaid shait shait bad kumba 90 percent la dep ka jingpyntrei ia kane ka surok. u Symbud Myntri Rangbah u la kyntu ia ki engineer jong ka PWD ban shimkhia ban buddien bad ban peit bniah bha, khnang ba ka jingpyntrei ia une u surok kan long kaba iaid beit katkum ka jingthmu.