Jur ka dheng kali ha surok bah Shillong Jowai

Syllad | The Rising MeghalayaOctober 5, 2020

Ka jingdheng kali haka surok bah National Highway 6, Shillong Jowai kala jia khah khah ha kine ki sngi bad kawei na ki daw ka dei ka jingkhim palat ka surok hadien ka jingtwa ka surok ha Wah Mynsoo, Mookyndur.

La jan manla ka sngi kane ka surok kala shah ktah haka jingdheng kali kaba ktah da ki bun bun kynta iaka iaid ka ieng ki briew na Shillong Jowai bad kiwei kiwei ki Jylla ka Assam, Mizoram bad Tripura.

Mynta ka sngi kiba bun ki paidbah kiba thmu ban leit Shillong na Jowai kila hap ban wan phai, katba kiba wan na Shillong sha Jowai naduh 8 baje mynstep haduh mynta ki dang sahkut ha lynti sha Puriang, Wahmynso, Ummulong.

Kane ka jingdheng kali kala jia hadien bala iaid bun ki trok dewiong, trok kit dewbilat bad kiwei kiwei.

Haduh bala thoh iaka khubor ruh kane ka jingsahkut kali ka dang jur bha ha ki bynta Ummulong, Wahmynsoo ter ter sha Puriang.