Jot rathai ka jingkieng Rymphum Myntang ong ka KSU

Syllad | The Rising MeghalayaJune 24, 2020

Ka Khasi Student Union (KSU) Laskeiñ Unit hadien ba kila ioh ka jingujor jong ki paidbah halor ka jingsniew ka jingkieng Rymphum Myntang Laskeiñ kaba iaid lyngba sha ki thaiñ Barato WJHD, ka la sniew bad buh ka jingma kaba khraw iaki nongleit nongwan.

Mynta ka sngi Balang ki nongialam KSU-Laskeiñ Unit hapoh ka jingialam u Firsterwell Phawa president KSU Laskein bad Secretary Marvicky Lyngdoh, ha ka jingleit jurip jong ki kila lap ba kane ka jingkieng ka la jot bad ka la peit thliew bad kaba lah ban wanrah ka jingma ha kano kano ka por ia ki paidbah nongleit nongwan.

U Firsterwell Phawa, u la ong ba katei ka jingkieng ka pyniasoh ia bun tylli ki shnong kum ka Barato, Maitdeing, Mukroh, Saba, Thangrain bad kiwei kiwei kala buh jingeh bad ka jingma iaki ba leit donkam ban leit jingleit sha ka office u BDO Laskein Block, kiba leit kamai kajih bad khamtam eh ia kiba pang ba shitom ban leit shim dawai sashin.

Kumta ka KSU-Laskeiñ Unit ka kyntu ia ki bor ba dei peit ban leh kloi ia ka ba donkam khnang ba ki paitbah ki ba shong ba sah sha lyngba katei ka jingkien kim ym shem shitom ha ka kit ka bah ka leit ka wan.