Jop u Chanmi bad ka Answerable iaka 5k Run ka Ladthadlaboh

Syllad | The Rising MeghalayaDecember 31, 2024

U Chanmi Phawa bad ka Answerable Suting kila jop iaka jingmareh Ladthadlaboh 5K Run kaba pynlong da ka Ladthadlaboh Youth and Social Organization (LYSO) jong ka Ladthadlaboh Dorbar Shnong haka 31 tarik Nohprah.

Kane ka jingmareh ka long kum shibynta ka jinglehkmen bad pdiang sngewbha ia u snem thymmai-New Year Celebration 2025.

Kane ka jingiakop kala sdang haka por 6.30 baje mynstep na madan Ladthadlaboh bad iaid lyngba na Moosalyngkat-Kynruh Saphlang-lad Blue Heaven Restaurant -Thomas Jones-jingkieng Dulong-Salaroh-Radio-Polytechnic-Memory Colony-surok bah NH6 bad pynkut ha madan Ladthadboh.

Nalor u Chanmi u Badonkupar Synnah bad u Amethyst Synnah kila wan ba ar ba lai na ki shynrang bad ka Merika Lamare bad ka Felicia Dkhar ba ar ba lai na ki kynthei.

Iaka khusnam kyrpang la sam sha ka Emeralda Paswet 11 snem kum ka nongiashim bynta kaba khynnah tam ha kane ka jingiakop.

Shwa kane iaka lama la kaweh da u FC Chyne dkhot EC Ladthadlaboh Dorbar shnong bad Advisor ka LYSO haka jingdonlang u Pleasantly Synnah, Athletic Coach jong ka Meghalaya kum u Referee, u Chairman, Secretary jong ka LYSO nalor kiwei kiwei.