Jop salit ka NEAU-ATS da 1 wicket iaka Lion haka District Cricket League ka WJHDCA

Syllad | The Rising MeghalayaApril 17, 2025

Ka Northeast Adventist University (NEAU-ATS) kala jop salit haka jingiakhun pyrshah iaka Lion S&YA haka District Cricket League kaba pyniaid da ka West Jaintia Hills District Cricket Association (WJHDCA) kaba long ha madan Khliehtyrshi haka 17 tarik Iaiong.

Ka NEAU-ATS kaba jop iaka toss kala jied ban ball bad tehlakam iaka jingiakhun da kaba pynliem lut baroh ki nongtied ka Lion tang da 67 run na ka 13.4 over.

U Chonbara S Marak u la pyni iaka sur kawang boll kaba itynnad jong u da kaba khyrwit ka 4 wicket naka 5 over bad ai 23 run. Nalor u Chonbara, u Arman B Marak ula khyrwit 3/26 bad u Achigrim W Sangma 3/16.

U Sanki Pakyntein marwei ula kamai 20 na ka 21 na ka bynta ka Lion hadien ba ka kynhun baroh kawei kala shah ban bor haki nongkawang ball ka NEAU.

Ka NEAU haba poi ka pali jong ka ban beh iaka thong kaba rit i kumba kan jop suk, pynban la lap ba khyllem uwei hadien uwei na ki nongtied jong ka. U captain jong ka Lion, u Deibormi Rangad (3/9) wat um shym la lah ban ialehkai bha da kaba bat hadien ba ula liem khlem synniang eiei sha ka jingkamai run ka kynhun ula lam lynti pat ban pyni iaka sap ba tbit jong u ban kawang bol ba khyrwit 3 wicket, bynrap sa u Wijan Pohleng (4/17) kaba la pynlong iaka NEAU ban liem 64/9 wicket haka 27.4 over.

Hynrei ki wicket ba khatduh u Bonseng S Sangma bad u Salgrabath N Sangma kila pynjop iaka NEAU kaba donkam sa 4 run haka 28.5 over.

U Rikku T Sangma ula kamai 15 run na ki 74 ball, katba u Wiki Chyrmang 16 run 16 ball, katba ki 21 run ka extra ka Lion.

U Chonbara S Marak u la ïoh khur iaka nam Man of the Match uba la khyrwit 4 wicket.

Ka jingialehkai haka 19 tarik kan long hapdeng ka Khliehtyrshi SC pyrshah iaka Young Lad’s CC haka por 9 baje mynstep.