Jop quarterfinal ka North Liberty Govt Boys’ Saw Lyngdoh haka U17 Subroto Mukherjee Cup ha Jowai

Syllad | The Rising MeghalayaJune 19, 2024

Ka North Liberty HS School, Sawlyngdoh HS School, Kiang Nangbah Govt. HS School, Govt. Boys HS School kila buh jaka ialade haka kyrdan semifinal haka Under-17 Boys’ haka lympung ialehkai Subroto Cup. Katba haka Under-15 Boys, HK Singh Memorial Secondary School ka dei ka skul kaba nyngkong ban rung sha ka semifinal hadien ba kala jop da 1-0 iaka Sabahmuswang UP School.

Ia kane ka lympung ialehkai ki khynnah skul la pyniaid daka ophis u District Sports Officer (DSO), West Jaintia Hills ha Kiang Nangbah Stadium

Haba phai sha ka jingiakhun quarterfinal haka 19 tarik Jylliew, ka North Liberty HS School kala pynliem iaka Laishnong HS School Nongbareh da 3-0. Ka Sawlyngdoh HS School Mowkaiaw kala pynliem iaka St. Dominic HS School da 3-1.

Ka Kiang Nangbah Govt. HS School kala pynliem iaka HK Singh Memorial Secondary School da 3-1. Ka Govt. Boys HS School kala pynliem iaka Lumpyrtuh Secondary School da 5-2.

Haka 20 tarik Jylliew ka jingiakhun Quarter Final haka kyrdan Under-15 Boys kan long hapdeng ka Dominic English Secondary School pyrshah iaka North Liberty HS School. Ka Govt. Boys HS School pyrshah iaka St. Dominic HS School. Ka Modern Secondary School pyrshah iaka Mihmyntdu RC. Eve Secondary School.

Haka kyrdan Under-17 Girls, ka Police Public Secondary School pyrshah iaka All Saint Diocesan Secondary School. Ka Govt. Girls HS School pyrshah iaka Kiang Nangbah Govt. HS School.