Jop kput ka Ar Dolloi haka Vetaran Football Tournament ka EJHDFA

Syllad | The Rising MeghalayaNovember 7, 2023

Ka Ar Dolloi Veteran Football Team ka la pynliem kput haduh 11-0 iaka Khliehriat East haka jingiakhun 1st Open to All Veteran Football Tournament kaba pyniaid da ka East Jaintia Hills District Football Association (EJHDFA) kaba long ha madan Artificial Turf Diengshynrum, Khliehriat haka sngi Nyngkong.

U Weshalbor Pathaw marwei ula khyrwit san kol (10′, 13′, 16′, 51′, 67′) ha kane ka jingioh khur namjop ba bun kol ka Ar Dolloi. Nalor u Weshalbor, ar kol la thep da u Swellmon Shylla (19′, 43), Deisngi Kurbah (32′, 50′) bad u Balentine Sana (57′,65′)

Haka jingialehkai kaba bud, ka 12-Dolloi Veteran Football Team ka la pynliem da 4-1 iaka Rymbai Synrang Shahkhain. Na kaliang ka 12-Dolloi la thep da u Nicos Laloo 17′, 70′, u Golden Mukhim 29′ bad u Wanmi Kassar 71′. Shikol jong ka Rymbai Synrang Shahkhain la thep da u Daphah Lapasam 42′.