Jop ki thei ialehkai ka West Jaintia Hills pyrshah iaka EKH haka Under -14 Girls Inter District Cricket

Syllad | The Rising MeghalayaMarch 21, 2023

Ki thei ialehkai ka West Jaintia Hills District Cricket Association (WJHDCA) kila pynliem iaka East Khasi Hills Cricket Association (EKHCA) da 9 wicket haka sngi sdang jong ka U-14 Girls Inter District Cricket T20 kaba long ha Nongpyndeng, West Khasi Hills haka sngi Nyngkong.

Kane ka jingiakhun kaba la iakhun tang 12 over, ka EKH kala jop iaka toss bad kam trai shuwa ban tied bad kamai 59/3. Ka Sweetcemary Khongthiang tang maka marwei kaba kamai bun run, kata 16. Katba ki nongkawang bol ka WJHDCA pat ka Sawakahi Syngkon (1/5), Linimandakini Ksoo (1/7) and Sareeka Jat (1/25) kila khyrwit mar shi wicket.

Ka Sawakahi Syngkon haba poi ka pali jong ka WJHDCA ban beh ia katei ka thong kaba la buh ka EKH kala liem noh tang haka bol kaba ar jong ka Eliza Lyngdoh (1/9).

Hynrei kane kam shym la pynduh mynsiem iaki thei ialehkai ka WJHDCA ban beh iaka thong kaba la buh ka EKH bad tang hapoh 8.2 over kila kynjoh iaka thong bad liem shi wickt.

Ka Anastesia S Shullai, kaba la kamai 29 not out na ki 31 tylli ki ball kala ioh iaka khusnam Player of the Match.

Kawei pat ka jingiakhun hadpeng ka Shillong Cricket Association bad ka West Khasi Hills District Cricket Association la hap ban pynsangeh noh n aka daw ka jingjur u slap.