Jop ki thei ialehkai ka Pdengshakap SS, Moodymmai SS, 10 kol jop ka Padu SS haka Under -14 Boys ka Subroto Cup ha Jowai

Syllad | The Rising MeghalayaJune 13, 2022

Ki thei ialehkai jong ka Pdengshakap SS bad ka Moodymmai SS kila khur namjop haka sngi sdang ka Under-17 Girls jong ka Inter School Football Tournament ne Subroto Cup kaba pyniaid da u District Sports officer, West Jaintia Hills kaba long ha Kiang Nangbah Stadium haka sngi Nyngkong.

Kane kala wan hadien ba ka Pdengshakap SS kala pynliem iaka Sawlyngdoh HSS da 2-0 kol, katba ka Moodymmai SS kala pynliem iaka St.Claret SS, Phramer da 2-0 haka tie breaker.

Shuh shuh haka jingiakhun Under-14 Boys’ ka Padu SS kala jop bun kol pyrshah iaka Don Bosco Mihmyntdu da 10-0 kol.

Ka Mihmyntdu SS kala jop 4-1 kol iaka Shangpung Govt UP RMSA, ka Adventist HSS kala jop da 3-0 kol iaka Archivers SS Ummulong.

Ha kawei pat ka jingiakhun ka St. Claret SS kala jop iaka Moodymmai SS da 2-0 kol.

Lashai ka sngi ka jingiakhun kilong:

Under-17 Girls: Jowai Govt UP School vs HK Singh Memorial SS

Under-17 Boys’ (Pre Quarter Final)
Govt. Boys’ HSS vs Adventist HSS
North Liberty HSS vs Sawlyngdoh HSS
Amwi Jarain SS vs St. Claret SS
Marian Hills HSS vs Lumpyrtuh SS
Ummulong Pres HSS vs Ialong SS.