Jop Khliehmuchut Shangpung yn aireng pyrshah Mowtyrshiah haka final Third Div ka WJDSA

Syllad | The Rising MeghalayaMay 21, 2022

Ka Khliehmuchut Shangpung kala rung sha ka final ka Third Division Football- ka 2nd Adelbert Laloo Memorial Trophy jong ka West Jaintia District Sports Association (WJDSA) hadien bala jop da 1-0 kol pyrshah iaka Mookyrdup haka jingiakhun semifinal kaba long ha Kiang Nangbah Stadium haka sngi Saitjain.

Da kane ka namjop ka Khliehmuchut Shangpung kan aireng pyrshah iaka Maitchaphrang Mowtyrshiah haka final kaban long haka 28 tarik une u bnai haka 2 baje nohphaisngi.

Ia katei ka kol jop ka Khliehmuchut la thep da u  Arwan Phadong (51) bad kane ka kol kala neh haduh bala wai ka jingiakhun.