Jop ka Youngstar haka Football League ka TSA

Syllad | The Rising MeghalayaDecember 12, 2024

Ka Youngstar Namdong kala khur namjop pyrshah iaka Phlongingkhaw da 1-0, katba ka Lumsyrtoh bad Nongkhroh rim, ka Maia bad Madur kila iakhaid haka jingialehkai Thadlaskein Football League kaba pyniaid da ka Thadlaskein Sports Association (TSA) kaba long ha madan Wahiajer haka 12 tarik Nohprah.

Ia kane ka shikol naka bynta ka Youngstar Namdong la thep da u Honesty Sumer (39), kaba la biang pura iaka ban khur iaka namjop.

Haka jingialehkai kaba bud ka Maia SC bad Madur kala kut khlem don mano mano ba lah ban pynkhih jar, katba ka Lumsyrtoh pyrshah iaka Nongkhroh rim, ka jingiakhun kala kut da ka jingiakhaid mar 1-1. Na kaliang ka Lumsyrtoh la thep da u Mark Andrew Thubru (65) bad na ka bynta ka Nongkhroh rim la thep da u Haman myrboh (57).

Haka 13 tarik Nohprah, ka jingialehkai kan long hadpeng ka Mukhla Veteran pyrshah iaka Grounded FC haka por 10.00 baje mynstep. Ka Nartiang SC pyrshah iaka Onfroy Unite FC haka por 12.00 baje mynsngi. Ka Tyrshang pyrshah iaka Nongkhroh Sohbar haka por 2.00 baje nohphai sngi.