Jop ka West Jaintia Police CC iaka Moodymmai CC da 102 run haka District Cricket League ka WJHDCA

Syllad | The Rising MeghalayaApril 4, 2024

Ka West Jaintia Police Cricket Club kala pynliem iaka Moodymmai Cricket Club da 102-run haka jingialehkai ‘District Cricket League 2024’ kaba pyniaid da ka West Jaintia Hills District Cricket Association (WJHDCA) kaba long ha madan Khliehtyrshi Mini Stadium haka 3 tarik Iaiong.

Kaa West Jaintia Police Cricket Club kaba la iohlad ban bat hadien ba la ailad ka Moodymmai kaba jop iaka toss ba kan tied shuwa. Ka WJPCC kala kamai 197 bad liem 9 wicket na ka 35 over. U Markini Lathong ula kamai 56 run naki 59 bol bad u Ishan Siangshai u kamai 37 run la 41 bol.

U Daowan Passah nongkawang bol ka Moodymmai ula pynhap 5 wicket na ka 7 Over

Haba beh iaka thong ka Moodymmai Cricket Club ka la lah ban tied tang 95 run naki 21.5 Over bad liem lut baroh ki Wicket.

U Mickey Marngar u kamai 31 run naki 33 bol bad u Daowan Passah 13 run naki 23 bol.

Katba na ka liang ka WJPCC u Marshal Pariat ula pynhap 3 wicket naki 4.5 Over bad u VDS Rymbai 2 wickets naki 5 over.

Iaka nam ‘Man of the Match’ la ioh da u Marshall Pariat jong ka West Jaintia Police Cricket Club