Jop ka Wahiajer, Nongkhroh haka Super Division Football ka TSA

Syllad | The Rising MeghalayaAugust 22, 2025

Ka Wahiajer SC bad ka Nongkhroh SC kila khur nam jop haka jingialehkai football haka kyrdan Super Division kaba pyniaid da ka Thadlaskein kaba long ha madan Wahiajer Multi Sports Complex haka 22 tarik Nailar.

Kane ka namjop ka Wahiajer SC kala wan pyrshah iaka Mukhla Raij da 1-0. Ia kane ka shikol la thep da u Niki Pakma haka minit kaba 34, kaba la mih paw haka dur jong ka penalty.

Ka Nongkhroh kala pynliem da 3-1 iaka Heibor Iong-i. Ka Nongkhroh kala tam shuwa shakhmat naduh ka kylla step tang haka mintit kaba ar jong ka jingialehkai lyngba ka kol kaba mih haka dur jong ka own kol. Ia kane ka kol la thep da u Wanme Dkhar. Hynrei na kaliang ka Heibor Iong-i kala lah ha kaban tan kylla sha kaba iakhaid haka minit klaba 33 lyngba u Edwardson Shylla.

Dei haka kylla miet shuwa ban wai ka por iakhun ka Nongkhroh kala pyntam sa 2 kol lyngba u Rahbok Synnah (86, 90+3) kaba la biang pura iaka ban khur iaka namjop.

Shuwa kane haka jingialehkai 2nd Division ka Tympang SC kala pynliem da 5-2 iaka Pdeinlum SC.

Na kaliang ka Tympang SC la thep ia kine ki kol lyngba Shining Muktieh (13), Dame Lakiang (28), Willbert Suja (38), Rimiki Phawa (46), Rupaia Dkhar (48). Ia ki ar kol ka Pdeinkum SC thep mar shikol da u Beb Suting (16) bad Ebiang Shadap (42).

Kawei pat ka jingialehkai kala kut da kaba iakhaid khlem don mano mano ba ioh thep kol hapdeng ka Maia Club pyrshah iaka Myngkrem SC.

Ka jingialehkai ka ban wan kan long haka 23 tarik Nailar ha kaba haka kyrdan 2nd Division- ka Thadmusem kan iakhun pyrshah iaka Nongkhroh Sohbar haka por 9.00 baje mynstep, ka Tyllilang I Moobakhon pyrshah iaka Myntoilang i Bamkamar haka por 11.00 baje mynstep. Haka kyrdan Super Division ka Niriang kan iakhun pyrshah iaka Mookyndur haka por 1.00 baje nohphai sngi.