Jop ka Wahiajer haka Super Division ka TSA

Syllad | The Rising MeghalayaSeptember 4, 2025

Ka Wahiajer SC kala jop da 2-0 pyrshah iaka Pohskur Phlongingkhaw haka jingialehkai football haka kyrdan Super Division kaba pyniaid da ka Thadlaskein Sports Association kaba long ha madan Wahiajer Multi Sports Complex haka 3 tarik Nailur.

Ia kine ki ar kol la thep da u u Hame Dkhar (11′) bad George Ryngkhlem (50′) kiba la biang pura iaka Wahiajer ban khur iaka namjop.

Shuwa kane haka jingialehkai 2nd Division, ka United FC Ummulong kala jop da 1-0 iaka Mupliang RC. Ia kane ka kol jong ka United FC Ummulong la thep da u Iajanki Kynjing (5).

Ha kane ka juh ka kyrdan haka jingialehkai hapdeng ka Madur pyrshah iaka Ryntih Mynsngat ka jingiakhun kala kut noh da kaba iakhaid khlem don mano mano ba ioh pynkhih jar.

Ka jingialehkai haka 4 tarik Nailur, haka 2nd Division kan long hapdeng ka Thadmusem pyrshah iaka Lad Mukhla haka por 10.00 baje mynstep, ka Laru FC pyrshah iaka Modop Nartiang haka por 12.00 baje mynsngi. Haka Super Division ka Heiboriong-i FC iakhun pyrshah iaka Mookyndur haka por 3.00 baje nohphai sngi.