Jop ka Wahiajer 5-0 iaka Niriang haka Super Division ka TSA

Syllad | The Rising MeghalayaAugust 27, 2025

Ka Wahiajer kala jop da 5-0 pyrshah iaka Niriang haka jingialehkai Super Division Football Tournament kaba pyniaid da ka Thadlaskein Sports Association (TSA) kaba long ha Wahiajer Multi Sports Complex haka 26 tarik Nailar.

Ia kine ki san kol ka Wahiajer kala thep lyngba u Ebormi Mukhim (26), Niki Pakma (42,59), George Ryngkhlem (70) bad u Sanki Lakiang (80).

Haka jingialehkai 2^nd Division, ka United Phlongingkhaw kala jop da 4-0 iaka Mukhla Nongrim. U Philemon Suting ula khyrwit da a hattrick (8, 12, 20) bynraplang shikol da u Lamjop Muruh (69).

Ha kawei pat ka jingialehkai, ka Maia Club Umjlasiaw kala pynliem da 3-0 iaka Mukhla sohshrieh. Ia kine ki lai kol ka Maia Club kala thep lyngba u Lemiki Dkhar (24, 28) bad Saibok Tariang (34).