Jop ka Umshangiar 2 run iaka Khliehtyrshi haka Cricket ka WJHDCA

Syllad | The Rising MeghalayaApril 20, 2023

Ka Umshangiar kala jop tang da 2 run pyrshah iaka Khliehtyrshi Sports Club haka Open to All Cricket Tournament kaba pyniaid da ka West Jaintia Hills District Cricket Association (WJHDCA) kaba long ha madan Khliehtyrshi ha ka sngi Balang.

Ha kane ka jingiakhun ka Umshangiar kaba jop iaka toss kala tied shuwa bad buh iaka 161 run. Ha kane ka jingiakhun kala liem baroh 10 wicket naka 28.3 over. Ki nongtied jong ka kiba la synniang khambun ka run ki dei u Heiyoo Ryngkhlem (40), Dathrang Pariat (38) bad Kunemiki Lato (16).

U H Timi Ryngkhlem ula ioh khur 4 wicket bad u Peter Nongtdu 2 wicket nakaliang ki nongkawang ball ka Khliehtyrshi

Ka Khliehtyrshi SC haba poi ka pali jong ka ban bat kala duna 3 run naka thong hadien bala liem lut baroh 10 wicket naka 34.3 over. U Markatjuh Dkhar ula kamai 31 run bad u V Sangahiwot Rymbai 30

U Kunemi Lato ula ioh khur 3 wicket bad 16 run ula ioh khur iaka khusnam man of the match. U Sate Bareh bad Heipormi Laloo kila khur mar 2 wicket