Jop ka Ummulong da 152 run iaka West Jaintia Police haka District Cricket League ka WJHDCA

Syllad | The Rising MeghalayaApril 22, 2024

Ka Ummulong Cricket Club kala pynliem da 152 run iaka West Jaintia Police Cricket Club haka District Cricket League kaba pyniaid da ka West Jaintia Hills District Cricket Association (WJHDCA) kaba long ha madan Khliehtyrshi haka 22 tarik Iaiong.

Ka Ummulong Cricket Club kaba la jop iaka toss kala kamtrai ban tied ha kaba kala buh iaka thong kaba 265 bad liem 8 wicket naka 35 over.

U namtam ha kane ka jingialehkai u dei u Heimonlang Lyngdoh uba la kamai 82 run na ki 43 bol ryngkat ki 3 wicket kaba la biang pura ia u ban khur iaka nam Man of the Match haka sien kaba ar ha kane ka lympung.

Nalor u Heimon, ar ngut kiwei pat ki nongtied ka Ummulong kiba la synniang run ki dei u Chongtre Iman Lamare 51 run naki 36 bol bad u Heisniawlangki Lamare 47 run na ki 50 bol.

Ki bowler ka West Jaintia Police kiba la khur wicket ki dei u Ram Ksoo 4 wicket bad u Khaljeng Marak 3 wicket naki 7 over.

Haba beh iaka thong ka WJPCC ka la lah ban kamai tang 113 run naki 27.4 over bad liem lut baroh ki wicket. U Ishan Siangshai ula lah ban synniang 37 run naki 67 bol.

U Wellmanson Passah ka Ummulong ula khur 4 wicket naka 5 over.