Jop ka Ummulong bad ka 4-Mowkaiaw United haka T20 Cricket ka AJCA

Syllad | The Rising MeghalayaMarch 23, 2021

Ka Ummulong bad ka 4-Mowkaiaw United kila khur namjop mynta ka sngi haka Open To All T20 Cricket Tournament kaba pyniaid da ka All Jaintia Cricket Association (AJCA) kaba long ha madan Jrisalein, Chutwakhu Jowai.

Ka Ummulong kala jop iaka Umshangiar da 9 wicket, katba ka 4-Mowkaiaw United kala pynliem iaka Moodymmai da 8 wicket.

Haka jingiakhun hapdeng ka Ummulong bad ka Umshangiar, ka  Umshangiar ka ba tied nyngkong ka la lah ban tied 104  ron na ki 20 overs bad ka la duh noh 8 wickets. U Chwamiki Paswet u la kamai  37 (4×4 wa 1×6), u Kuneki Lato pat u la kamai 15 ron (2×4), U Calmlyone jong ka Calmlyone u la ioh khur 2  wickets na ki 4 Overs. Ka Ummulong haba beh iaka thong ka la lah ban kamai 108 ron na ki 11.3 overs bad ka la duh noh 1 wicket. U  Chongtre Lamare u la kamai 36  ron (5×4 wa 2×6), u Calmlyone Passah  pat u la kamai 24 ron (5×4), U Heipormi Laloo jong ka Umshangiar u la ioh khur 1 wicket na ki 4 Overs

Katba haka jingiakhun kaba ar ka Moodymmai ka ba tied nyngkong ka la lah ban tied 68 ron na ki 17.2 overs bad ka la duh noh baroh wickets. U Teimiki Passah  u la 18 ron (3×4), u Aries Pyrtuh pat u la kamai 15 ron (2×4 bad 1×6), U Ardakini Rymbai jong ka 4-Mowkaiaw United u la ioh khur 3 wickets na ki 3 Overs.

Ka 4-Mowkaiaw United haba beh iaka thong ka la lah ban kamai 74 ron na ki 10.4 overs bad ka la duh noh  2 wickets.U  Ardakini Rymbai u la kamai 31  ron (3×4 wa 2×6), u Eleazer Dkhar pat u la kamai 14 ron (2×4 bad 1×6), U Drowan Passah jong ka Moodymmai u la ioh khur 1 wickets na ki 4 Overs.

Ka jingialehkai ba nyngkong lashai ka sngi (24-03-2021)  kan long hapdeng ka Rising Star bad ka Lion Sports and Youth Affairs haka por 9:00 mynstep, katba ka jingialehkai kaba bud kan long hapdeng ka Khimusniang  pyrshah iaka ­­­Khliehtyrshi Sports Club